435
Астана қаласы №2 Байқоңыр аудандық сотында белгілі бизнесмен, бұрынғы Президент Нұрсұлтан Назарбаевтың немере інісі Қайрат Сатыбалдыға үкім оқылды. Аса ірі көлемде қаражат жымқырды деп айыпталған ол 6 жылға бас бостандығынан айыру жазасын арқалады. Сонымен қатар оның мүлкі тәркіленді. Сотталушы жазасын қауіпсіздігі орташа түзеу мекемесінде өтетін болады. Үкім заңды күшіне енген жоқ.
Қайрат Сатыбалды «Қазақтелеком» АҚ-ның аса ірі көлемде қаражатын ұрлады деген айыппен наурыз айында ұсталған.
24 тамызда антикор Қайрат Сатыбалдыұлына қатысты салық пен кедендік төлемдерді төлеуден жалтару, қылмыстық кірістерді заңдастыру фактілері бойынша қылмыстық істер қосымша тергеліп жатқанын мәлімдеген болатын.
