Шымкентте көпқабатты тұрғын үйдегі пәтерде кішкентай бүлдіршін қамалып қалды. Үй есігін өздігінен аша алмаған қыздың анасы құтқару қызметіне хабарласқан. Оқиға 20 қыркүйекте кешкі уақытта Нұрсәт шағынауданында болған.
« №219 үйдің пәтер иесі хабарласып, есікті аша алмай жатқанын айтқан. Ал ішінде 1,5 жасар қызы қалып қойған. Жедел-құтқару жасақтың құтқару бөлімшесі мекенжай бойынша барып, арнайы құрал-саймандарымен есікті ашып берді. Пәтер ішіндегі бүлдіршінді аман-есен анасына тапсырды»,-деді қалалық Төтенше жағдайлар департаментінің қоғаммен байланыс тобындағылар.
Айта кетейік, жыл басынан бері шымкенттік құтқарушыларға 178 тұрғын пәтер есігін аша алмай жатқанын айтып хабарласқан. Нәтижесінде 157 адамқұтқарылған. Оның 101-і кішкентай бала.
