396
Атырауда жедел жәрдем қызметінің көлігі жол апатына ұшырады. Облыстық Полиция департаментінің мәліметінше, оқиға кеше, 11 қыркүйекте сағат 17.30-дар шамасында орын алған.
Облыс орталығындағы «Балауса» шағынауданында медициналық мекеме көлігі екінші деңгейлі жолақтан шығып, басты жолмен келе жатқан «Toyota Land Cruiser» көлігіне жол бермеген. Соның салдарынан екі көлік соқтығысқан.
«Жедел жәрдем көлігінде болған екі жолаушы және «Toyota Land Cruiser» көлігінің жүргізушісі ауруханаға жеткізілді. Полицейлер жол-көлік оқиғасына байланысты тиісті іс-құжаттарды жинақтап жатыр» деп атап өтті ведомстводағылар.
