Алматыда полиция қызметінің жалған көлігін анықтады. Hyundai маркалы автомашинаны жергілікті полиция қызметінің мамандандырылған батальон экипажы ұстаған.
Қалалық Полиция департаментінің мәліметінше, полиция көлігінің көшірмесі фильмдердің бірінде пайдалану мақсатында жасалыныпты.
«Белгілі болғандай, фильмдердің бірінің әкімшілігі көлікті реквизит ретінде пайдаланған. Яғни, сценарий бойынша фильмде патрульдік полициямен эпизод бар. Ол бұл әрекеттердің заңға қайшы және жауапкершілікке әкеп соғатыны туралы ойланбастан, полицияның қызметтік көліктерінің дәл көшірмесін жасауды ұйғарған. Көлік мамандандырылған айыппұл тұрағына қойылды. Оның авторларына заң аясында шара қолданылды», – деді Полиция департаменті бастығының бірінші орынбасары Нұрлан Алмасбеков.
