Қостанайда 75 жастағы зейнеткерді үйінің алдында өлтіріп кетті. Қала тұрғыны көпқабатты үйдің кіреберісінен әйел адамның мәйіті табылғаны туралы полицияға хабарлаған. Ол бірден жедел жәрдем мен полицияны шақырған. Бұл туралы Polisia.kz жазды.
Екі сағаттан кейін кісі өлтіру ісі бойынша қылмыс ашылған. Полиция департаментінің бастығы Ерлан Омарбеков күдікті жедел-іздестіру іс-шараларын жүргізу кезінде ұсталғанын атап өтті. Ол 45 жаста, жұмыс істемейтін әйел азаматы. Одан заттай дәлелдемелер алынды.
Анықталғандай, 75 жастағы әйел қонақтан үйіне қайта келе жатқанда оның үстінде алтын әшекейлер болған. Күдікті зейнеткердің подъезге кіргенін көріп, оның соңынан ерген. Содан пышақ жарақатын салып, алқаны жұлып әкеткен. Қазіргі уақытта қажетті тергеу амалдары жүргізілуде. ҚР ҚК-нің 99-бабы 2-бөлігі “Пайдакүнемдік ниетпен өлтіру” бойынша сотқа дейінгі тергеу басталды.
