Қасым-Жомарт Тоқаев ағымдағы жылдың күзінде кезектен тыс Президент сайлауын өткізуді ұсынды. Бұл туралы Мемлекет басшысы халыққан арнаған Жолдауында мәлімдеді.
«Мен биылғы күзде кезектен тыс Президент сайлауын өткізуді ұсынамын. Әділетті Қазақстанды құру жолында түбегейлі және жан-жақты реформаларды табысты жүзеге асыру үшін халықтың жаңа сенім мандаты қажет. Мен үшін мемлекет мүддесі бәрінен биік. Сондықтан мен өкілеттік мерзімімді қысқартуға және кезектен тыс Президент сайлауына баруға дайынмын»,-деді Қасым-Жомарт Тоқаев.
Бұдан өзге енді елімізде Президент өкілеттігінің мерзімі қайта қаралмақ.
«Мен көп ойланып, Президент өкілеттігі мерзімдерінің санын және ұзақтығын қайта қарау қажет деген байламға келдім. Президент мандатын ұзақтығы 7 жылдық бір мерзіммен шектеуді ұсынамын. Бірақ қайта сайлануға тыйым салынады»,-деді Президент.
