Түркістан облысындағы Шардара ауданының тұрғыны қызын грантқа оқуға түсіремін деп алаяқтың құрбаны болды. Әйелдің айтуынша, 2020 жылдың желтоқсан айында танысы «қызыңды жоғары оқу орнына грантқа түсіріп беремін» деп уәде беріп, 1 млн теңгесін алған. Екі жылдай уақыттан бері күте-күте шаршаған тұрғын полицияға арызданған.
«Аталған жайт ҚР ҚК-нің 190-бабы «Алаяқтық » бойынша тіркелді. Аудандық полицейлер жәбірленушіні алдап, ақшасын алып кеткен күдіктіні қолға түсірді. Ол Алматы қаласының жұмыссыз тұрғыны болып шықты. Белгілі болғандай, күдікті Шардараға қыдырып келген. Ал алаяқтықпен алған ақшаны өз қажеттілігіне жаратып жіберген. Қазіргі таңда оның бұдан басқа да қылмыстарға қатысы бар-жоқтығы тексеріліп жатыр»,-деді облыстық Полиция департаментіндегілер.
