Шымкентте «Қауіпсіз жол» іс-шарасы кезінде жүргізушілер 30 737 әкімшілік құқықбұзушылық жасаған. 400-ге жуық жүргізуші көлік тізгіндеуге құқығы жоқ болса да рөлге отырған.
Жедел-профилактикалық шараның 29 күнінде 749 автокөлік айыптұраққа қойылған.
Қалалық Полиция департаментінің мәліметінше, әкімшілік құқықбұзушылықтың басым көпшілігі жүргізушілердің көлік тізгіндеген кезде ұялы телефонмен сөйлесуі, қауіпсіздік белдігін тақпауына қатысты толтырылған.
Атап айтқанда: техникалық байқаудан өтпеген – 790, темір тұлпар тізгінінде ұялы телефон пайдаланған – 979 тұлғаға хаттама толтырылған. Жол үстінде қауіпсіздік белдігін тақпаған – 4617, басып озу немесе маневр жасау тәртібін бұзған – 570, қозғалыстың қарсы жолағына шыққан – 115, бағдаршамның тыйым салынған сигналына өтіп кеткен – 264, жаяу жүргіншіге басымдық бермеген – 313, авариялық жағдай туындатқан – 122, темір жол өтпелерінен өту қағидаларын бұзған – 76, көлік құралын мас күйде басқарған – 87, көлік құралын басқаруға құқығы жоқ 368 жүргізуші анықталған.
Бұдан өзге белгіленген жолақтан емес, кез келген жерден жолды кесіп өтпек болған 1632 жаяу жүргінші жол ережесін бұзған. Өзге де құқық бұзушылықтар бойынша – 17975 хаттама толтырылған.
Естеріңізге сала кетейік, бұған дейін Шымкентте жүргізуші ұсталған болатын, ол жарты жылда 178 рет өз көлігімен емес, жылдамдығынан асып кеткен. Бұзушылықтар үшін айыппұлдардың жалпы сомасы 4,5 миллион теңгені құрады.
Айта кетейік, шымкенттіктер жол қозғалысы ережелерін бұзған топ-100-ге жетті. Шымкенттік жүргізушілер жол қозғалысы ережелерін 2,2 миллиард теңгеге бұзды. Осыған байланысты мегаполисте көшелерде алты мыңнан астам бұзушылықтарды тіркеу камералары орнатылған. Биыл олардың саны тағы 1000-ға артпақшы.
