Түркістан облысы, Сарыағаш ауданында тұратын жас қыз көршісінің үйіне ұрлыққа түсті деген күдікпен ұсталды. Жәбірленушінің айтуынша, белгісіз біреу оның үйіне терезе арқылы кіріп, жатын бөлмесіндегі алтын әшекей бұйымдарын жымқырып кеткен. Келтірілген шығын — 300 000 теңге.
«Аталған жайтты полицейлер ҚР ҚК-нің 188-бабы “Ұрлық» бойынша тіркеді. Жедел-іздестіру шараларының нәтижесінде әртіп сақшылары күдіктінің ізіне түсті. Бір күн ішінде оның түр-тұлғасын анықталып, полиция бөліміне жеткізілді. Күдікті бойжеткен жергілікті тұрғын, жәбірленушінің көршісі болып шықты. Ол оңай жолмен ақша табу мақсатында қараусыз тұрған үйге кіріп, алтын бұйымдарды жымқырған. Қазіргі таңда сотқа дейінгі тергеп-тексеру жұмыстары жүргізілуде»,-деді Түркістан облыстық Полиция департаменті.
Бойжеткен ұрлаған алтындарды ломбардқа өткізіп, ақшаны өз қажеттілігіне жаратып жіберіпті.
