Ақмола облысында Щучинск қаласының 35 жастағы тұрғыны азаматтық некедегі әйелін өлтірді деген күдікке ілініп, қамауға алынды.
Қанды оқиға 20 шілде күні ерлі-зайыптылардың жалдамалы пәтерінде орын алған. 49 жастағы әйел азаматының өлімі туралы полицейлерге күдіктінің өзі хабарлаған. Бұл туралы polisia.kz жазды.
Алдын ала тергеу барысында күдіктінің бірге тұрған әйелдің өліміне қатысы бар екендігі туралы дәлелдер жиналған. Ал куәгерлердің айтуынша, қайғылы оқиға алдында марқұм мен күдікті арасында жанжал болған. Сот-медициналық сараптама нәтижелеріне сәйкес, өлімнің себебі мидың ісінуі, миға қан кету түріндегі жабық бас сүйек-ми жарақаты болған. Аталған фактіге сәйкес полиция бөлімі ҚР ҚК-нің 106-бабы 3-бөлігі (Денсаулыққа қасақана ауыр зиян келтiру) бойынша сотқа дейінгі тергеуді бастады. Күдіктіге қатысты қамауға алу түріндегі бұлтартпау шарасы таңдалды.
