422
Шымкенттің 12 жасар тұрғыны Анна Саворовская Төтенше жағдайлар министрінің міндетін атқарушы, генерал-майор Ибрагим Күлшімбаевтың бұйрығына сәйкес «Өртте көрсеткен қайсарлығы үшін» медалімен марапатталды. Төсбелгі табыстау шарасы бүгін Шымкент қалалық Төтенше жағдайлар департаменті ғимаратында өтті.
Еске салсақ, Қайнар бұлақ саяжайы, Зеленая көшесі бойында орналасқан жеке тұрғын үйде өрт шыққан болатын. Оқиға кезінде балалардың ата-аналары үйде болмаған. Мектеп оқушысы бөлмедегі қызыл жалын мен көк түтінді байқап, тәтті ұйқыда жатқан 1 жасар егіз інілерін өрттен аман алып шыққан еді.
Төтенше жағдайлар департаментіндегілер өрт ауа баптағыштың қысқа тұйықталуынан шығып, бөлмедегі тез жанатын үй заттары өртеніп кеткенін хабарлаған болатын.
