Шымкентте қараусыз қалған жылқылардың кесірінен бір адам мерт болды. Оқиға Еңбекші ауданындағы Абдулабад көшесінде болған.
Тәртіп сақшыларының анықтауынша, сағат 20:00 шамасында 4 жолаушысы бар “ВАЗ 21099” маркалы автокөлік Төлеби ауданынан Шымкентке қарай бағыт алған. Осы сәтте жолға қос жылқы шығып кетіп, көлік оларды соғып өтеді. Содан соң жолдың қарсы бетіне өтіп, “Volkswagen Passat” маркалы жеңіл көлікпен соқтығысқан. “ВАЗ 21099” жүргізушісі оқиға орнында жан тапсырды. Жеңіл екі көліктегі 4 жолаушы түрлі дене жарақаттарымен ауруханаға жеткізілген.
«ҚР ҚК-нің 345-бабы 3-бөлігі “Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы» бойынша іс қозғалды. Қажетті сараптамалар тағайындалды. Полицейлер жылқыларыдң иесін іздестіріп жатыр»,-деді Полиция департаментіндегілер.
