Түркістан қаласындағы зауыттардың бірінде қоймашы болып істейтін тұрғын оңай олжаға кенелген. Ол кәсіпорындағы техникалар мен тауарларды сатып жіберді деген күдікке ілінді.
Зауыт иесі полицейлерге шағым түсірген. Өз арызында кәсіпорынға тиесілі бірқатар құрылыс тауарлары жымқырылғанын көрсеткен. Келтірілген жалпы шығын көлемі 4 миллион теңгеге жуық.
«Істің толық мән-жайын анықтау мақсатында жедел-тергеу тобы құрылды. Зауыт қоймашысы күдікке ілініп, ол өз үйінен ұсталды. Аталған жайты ҚР ҚК-нің 189-бабы, яғни «Сенiп тапсырылған бөтен мүлiктi иемденiп алу немесе талан-таражға салу» қылмыстық құқық бұзушылығы бойынша тіркелді. Қазіргі таңда сотқа дейінгі тергеу амалдары жүргізілуде»,-деді Түркістан облыстық Полиция департаментінің баспасөз қызметіндегілер.
Белгілі болғандай, күдікті ер азамат өзінің қызметін асыра пайдалана отырып, зауытқа тиесілі техникалар мен тауарларды сатып жіберген. Ал одан түскен пайданы өз пайдасының қажеттілігіне жұмсаған.
