443
Шымкентте күннің аптап ыстығында көшені көгалдандырып, нәпақа тауып жүргендерге сусын таратқандарға көпшілік тәнті болды.
Қайырымды жандардың бұл игі ісінің видеосы ТікТок-та пайда болды. Онда қайырымдылық қор өкілдерінің бірнеше блок сусынды көше тазалаушыларға таратып жатқанын көруге болады. Олар сусындарды кезегімен алып, ризашылықтарын білдіреді.
Видеоны көргендер күннің ыстығына қарамастан қала тазалығы үшін еңбек етіп жүрген коммуналды мекеме қызметкерлерінің еңбегіне өз алғыстарын білдіріп, сусын таратқандарға сәттілік тіледі.
«Алла берекесін берсін, бауырлар», «Жарайсыңдар», «Жандарым сол, шөлдеп қалған ғой. Басшылары қайда қарайды екен?», «Алла екі дүние бақытын нәсіп етсін», «Керемет» деп жазды желі қолданушылары.
