Оралдағы қарттар мен мүгедектерге арналған жалпы үлгідегі арнаулы әлеуметтік мекеме директорының міндетін атқарушы Қаршыға Нұрмашевтің айтуынша, марқұм — ІІ топтың мүгедегі. Ол өз бөлмесіндегі кереуетке асылып қалған. Мекеме қызметкерлері көмек көрсетуге тырысқанымен, еш нәтижесіз болған. Дәрігерлер оған — биполярлы аффективті ауытқушылық деген диагноз қойыпты. Бұл аздай жыл мезгілі ауысқан сайын мінезі де өзгеріп, гипоманиакалды жағдайға ұшырайды екен. Ол осы мекеменің жүйке аурулары бөлімінде 14 жылдан бері емделіпті.
Биыл жазда облыстық жүйке аурулары орталығында емделген 61 жастағы азаматтың бала-шағасы Оралда тұрады.
Қазір полиция осы оқиға бойынша «өзін-өзі өлтіруге дейін жеткізу» бабымен қылмыстық іс қозғаған. Бұл қайғылы оқиғаға не себеп болғанын тергеу амалдары анықтамақ.
