Марқұм жансақтау бөлімінде он күндей емделіпті. Бірақ жағдайы қиындап, ақыры дүние салды, деп хабарлады БҚО денсаулық сақтау басқармасынан.
Айта кетелік, жөндеу бригадасының қызметкерлері Орал қаласындағы электр жарығы өшіп қалған ықшамауданда жөндеу жұмыстарын жүргізген. Жер астындағы үзілген кабельді жалғамақ болған екі қызметкер токқа соғылып, дереу жедел жәрдеммен ауруханаға жеткізіліпті. Ауруханаға жеткізілген екі жұмысшының бірі, 32 жастағы жігіттің беті мен қол-аяғы күйіп қалған. Ол 2-3 дәрежелі күйік алған, денесінің 15-16 пайызы күйген. 1979 жылғы тағы бір жұмысшының беті мен қол-аяғы, денесінің 55 пайызы (3-дәрежелі) күйіп қалған. Ол он күннен кейін ауруханада бақилық болды. Қазір осы оқиға бойынша комиссия құрылып, тергеу амалдары жүргізіліп жатыр.
