679
Жаздың аптап ыстығында қойлардың жағдайын ойлаған мал иесінің әрекеті жұртты күлкіге қарық қылды. Өйткені төрт түлік иесі қораға желдеткіш орнатып қойған. Оның видеосы әлеуметтік желілерде әп-сәтте тарап кетті. Бейнежазбаны көрген желідегілер мал иесінің бұл қамқорлығына риза болып, енді бірі өз оқиғаларын бөлісті. Олардың бірінің мәліметінше, ауласында қой ұстайтын әкесі мал қораға кондиционер орнатып қойған екен.
«Мұндай ыстықта қойларға да оңай емес», «Иесінің басы істейді екен», «Ең жетпегені мал қораға желдеткіш қою қалып еді», «Ой, әбден күліп алдым-ау. Адамның фантазиясында шек жоқ қой», «Одан да кондиционер қойып қоймай ма?» деп жазды желі қолданушылары.
Бұл мал қораның еліміздің қай өңірінде орналасқаны туралы әзірге ақпарат жоқ.
