Балық инспекторларын көріп қалып, ізін суытып үлгермек болған. Қос моторлы Байда қайығының жылдамдығына ілесу қиын,- дейді инспекторлар. Дегенмен жүйрік қайыққа жеткенімен, әккі бракьонерлер Жайық жағасынан түсіп, ұстатпай кеткен. Қайықта 13 қапшық бағалы бекіре балық табылды. Барлығы 535 келі құнды су маржанын аулаған 3 адамның кім екені әзірге белгісіз. Су кемесінің де мемлекеттік нөмірі болмай шықты.
«Үш адам белгісіз бағытқа қашып кетті. Түнгі уақыт мезгілі болуына байланысты қашқан адамды ұстап табуға мүмкіндік болмады. Сол жерде 102 нөміріне соғылып, хабарлама берілді. Байда қайығын полиция қызметкерлерімен қарау кезінде бекіре тұқымбас балықтар табылды. Бекіре тұқымдас балықтарды тапсырған кезде жалпы салмағы 535 кг құрады»,- деді Жайық-Каспий облысаралық бассейндік балық шаруашылығы инспекциясыныі бас маманы Темірхан Оңайбаев.
