Қала күні қарсаңында және Балалар жылы аясында Шымкентте қызықты «Bee-battle» би фестивалі өтті. Жеңімпаздар дипломдар мен ақшалай сыйлықтарға ие болды.
14 маусым күні өткен шараның мақсаты – жасөспірімдер мен жастарды салауатты өмір салтын ұстануға және би мен спорт мәдениетіне баулу. Іс-шараға «Облыстық брейк-данс федерациясы» қоғамдық бірлестігінің бишілері, колледж оқушылары мен студенттері қатысты. Барлығы алты топ «Breaking Battle», «Hip-Hop» жанрлары бойынша үйірмелермен айналысады.
Фестивальдің ашылуына білім басқармасының басшысы Жанат Тәжиева қатысты.
«Жастарды салауатты өмір салтына баулу және олардың спорттық мәдениетін арттыру, бидің музыкалық ырғағында шеберліктерін арттыру аясында өтіп жатқан B-battle dance байқауына қатысушылар, сіздерге сәттілік тілеймін! Құрметті жігіттер! Қазақстанның жарқын болашағы біздің, яғни ел тағдырына бей-жай қарамайтын азаматтардың қолында. Сондықтан жастардың бойында ұлттық құндылықтарды, салауатты өмір салтын, интеллектуалды көзқарастарды одан әрі дамытуды шын жүректен тілейміз!». – деп Тәжиева қатысушыларды құттықтады.
Байқау қорытындысы бойынша жеңімпаздар марапатталды. Оларға сыйлықтар, дипломдар және ақшалай сыйлықтар табыс етілді.
I орын – «Step Up» тобы
II орын – Джангл тобы
Хип-хоп»
1 орын – РИА тобы
II орын – Step Up тобы
ІІІ орын – «Заңғар» тобы иемденді
Бұған дейін Мемлекет Басшысы Қасым-Жомарт Тоқаев өзінің Қазақстан халқына Жолдауында 2022 жылды балалар жылы деп жариялаған болатын: «балаларға ерекше назар аудару керек. Олардың әл – ауқаты-мемлекетіміздің табысты болашағының сенімді кепілі. Сондықтан келесі жылды балалар жылы деп жариялау керек деп санаймын. Бұл ұрандар мен мерекелік іс-шаралар туралы емес, ең алдымен, баланы қорғау мақсатында Денсаулық сақтау, білім беру және әлеуметтік қамсыздандыру саласындағы билік органдарының нақты шаралары туралы. Өскелең ұрпақтың үйлесімді дамуы және бақытты балалық шағы-бұл біздің жалпыұлттық міндетіміз».
Оның жалғасы ҚР Президентінің 2022 жылғы 19 қаңтардағы №780 «балалар жылын жариялау туралы» Жарлығы болды, оған сәйкес ҚР Үкіметінің 2022 жылғы 20 наурыздағы №148 «балалар жылын өткізу жөніндегі іс-шаралар жоспарын бекіту туралы»қаулысы шықты.
