Сот осы іске қатысы бар деп айыпталған таксистің серігін де 8 жылға бас бостандығынан айырды. Енді олар өз жазасын жалпы режимдегі колонияда өтейді.
Естеріңізге сала кетейік, сотталушылар былтыр 8 тамыз күні «Индрайвер» қосымшасы бойынша такси шақырған қызды қала сыртына апарып, бірге зорлаған. Қорғансыз қызға әуелі көлік ішінде күш көрсеткен олар құрбандығын оңаша жерге апарыпты. Осылайша қала шетіндегі үйде қызды түнімен зорлап, таңертең түк болмағандай үйіне апарып тастаған. 24 тамызда қамауға алынған күдіктілер 31 және 29 жастағы Орал қаласының тұрғындары болып шықты. Екеуі де үйленген, балалары бар.
– Заңның баламасыз талаптарын негізге ала отырып, сот әрқайсысына 8 жыл мерзімге бас бостандығынан айыру түріндегі барынша мүмкін болатын қатаң жаза тағайындалды. Енді олар өз жазасын қауіпсіздігі орташа қылмыстық-атқару жүйесі мекемесінде өтейді,-деп хабарлады БҚО сотының баспасөз қызметі.
