425
Бұл жолы Казталов ауданындағы Бостандық ауылының алты жастағы бүлдіршіні зардап шекті. Ата-анасының қарауынсыз қалған бүлдіршін ойнап жүріп, трансформаторды қолымен ұстаған. Осыдан кейін күйіп қалып, ауруханаға жатқызылды.
БҚО денсаулық сақтау басқармасының баспасөз хатшысы Айнагүл Сақпосынова оның жағдайы орташа екендігін хабарлады. Дәрігерлер баланың 2-3 дәрежелі күйік алғанын айтып отыр.
Естеріңізге сала кетейік, дәл осындай оқиға Жаңақала ауданы Жаңақазан ауылында да болды. Бес жасар ойын баласы қосалқы электр стансасының ішінде ойнаймын деп токқа түскен еді. Ауыр халдегі бүлдіршінді Орал қаласына санавиациямен жеткізген дәрігерлер оның екі қолын да кесуге мәжбүр болғанын хабарлады.
