Төбелес кезінде жарақат алған 10 адам бірден ауруханаға жеткізілген. Бірақ олардың екеуі дәрігер көмегінен бас тартыпты. Тағы жеті адамға көмек көрсетіліп, абақтыға кері қайтарылды. Жақ сүйегі сынған жазасын өтеушілердің бірі облыстық ауруханадағы арнайы палатаға жатқызылыпты. БҚО бойынша қылмыстық-атқару жүйесі департаментінің баспасөз қызметінен хабарлағандай, оқыс оқиға мекеменің жатақханасында болған. Бір-бірімен сөзге келген жазасын өтеушілердің жанжалы төбелеске ұласыпты. Кейін бұл дауға кезекші жасақ араласып, төбелесті тоқтатқан. Осы оқиғадан кейін Орал қалалық полиция басқармасы ҚР ҚК 107-бабы 2-бөлігі (денсаулыққа қасақана ауырлығы орташа зиян келтiру) бойынша сотқа дейінгі тергеу амалдарын бастады. Бірақ жазасын өтеушілер ешкімге арыз-шағым түсірмеген. Дегенмен қызметтік тексеру жүргізіліп жатыр. Әзірге жазасын өтеушілердің жанжалына не себеп болғаны да айтылар емес. Полиция төбелес болған жерден 6 дана темір тұрба мен 3 ағаш таяқ тауыпты.
Орал: түрмедегі төбелестен 10 адам жараланды
417
Видео
Қала әкімнің біріңғай қабылдауы жаңа форматқа көшті
