16 жастағы жасөспірім соңғы бір айда полицейлерге 4 рет қоңырау соққан. Олардың бәрі де жалған боп шықты. Ол алғашында 28 — наурыз күні еш мән-жайды түсіндірместен, полиция қызметкерлерін шақыртқан.
26 — сәуір күні мектеп ауласында орналасқан футбол алаңында жасөспірім балалар төбелесіп жүргендігі жөнінде екінші рет хабарлама берген.
Араға үш күн салып, ойын алаңында белгісіз адамдар автокөліктерге тас лақтырғанын айтады.
30 — сәуір күні көпір айналасында 14-15 жастағы жасөспірім оқушылар электрошокер және бөтелкелер ұстап төбелескелі жүргендігін айтып хабарлама берген.
Полиция жалған қоңыраулардың иесі 10 сынып оқушысы екенін анықтады. 16 жастағы жасөспірімнің анасына ҚР ӘҚБтК-нің «Арнаулы қызметтердi көрiнеу жалған шақыру» бабымен әкімшілік хаттама толтырылып, айыппұл салды. Баласының еркелігі үшін ол 45 945 теңге төлейді.
