Атырауда 35 жастағы ер адам заңсыз брондалған барлау-шолғыншы машинасын (БРДМ-2) сатуға тырысқан. Бұл туралы полицияға жедел ақпарат түсіп, ПД Экстремизмге қарсы іс-қимыл басқармасының қызметкерлері жедел-іздестіру іс – шарасын жүргізді. Олар 1986 жылы туған азаматқа тиесілі әскери машинаны тауып, тәркіледі.
Қазіргі уақытта аталған факті бойынша ҚР ҚК 386-бабы 1-бөлігі бойынша сотқа дейінгі тергеп-тексеру амалдары жүргізілуде. Ал күдіктіге қатысты ешқайда кетпеу және тиісті мінез-құлық туралы қолхат түрінде бұлтартпау шарасы таңдалды.
Айта кетейік, 25 сәуірден бастап халықтан заңсыз сақталған атыс қаруларын, оқ-дәрілерді және жарылғыш заттарды сатып алу акциясы жүргізілуде. Мемлекет азаматтардың өз еріктерімен өткізген әрбір қарулар мен оқ-дәрілерге және жарылғыш заттарға 100 айлық есептік көрсеткішке дейін сыйақы белгілеген.
