Криминалдық полицияға шенеуніктердің бірі шағымданған. Ер адам, өзін блогер ретінде таныстырған бірнеше адам өзінен жарты миллион теңге көлемінде ақша бопсалағанын айтқан. Оның сөзінше, 500 мың теңгені олар әкімшілік ғимараттың жыртылған мемлекеттік туы туралы бейнежазбаны таратпау үшін сұраған.
Аталған жайтты полиция қызметкерлері, ҚР ҚК-нің 194-бабы «Бопсалау» бойынша тіркеді. Күдікті қылмыс үстінде қолға түсті.
«Тәртіп сақшылары азаматты ұстау барысында, оның « Toyota Camry» маркалы автокөлігінен 300 000 теңге көлеміндегі ақша тәркіледі. Қазіргі таңда, сот шешімімен күдікті қамауға алынып, ұсталған азаматқа қатысты сотқа дейінгі тергеу амалдары жүргізілуде. Тергеушілер оқиғаға қатысты барлық мән-жайды анықтау үстінде», деп хабарлады Шымкент қаласы ПД-нің баспасөз қызметі.
