317
Түркістан облысының полицейлері ел аумағына заңсыз кірген Өзбекстан Республикасының азаматын ұстады. Шетелдік Жетісай ауданы Атақоныс ауылында орналасқан шекарадан түнгі уақытта өткен. Тексеру кезінде шетел азаматының Қазақстан Республикасына кіруге рұқсат қағазы жоқ болып шықты. Ол шекараның сымдарын заңсыз кесіп өткен.
«Тәртіп сақшылары аталған жайтты ҚК-нің 392-бабы «Қазақстан Республикасының Мемлекеттiк шекарасын қасақана заңсыз кесіп өту» бойынша тіркеді. Бүгінгі таңда күдікті қамауға алынып, оған қатысты сотқа дейінгі тергеу амалдары жүргізілуде», деп хабарлады Түркістан облысы ПД баспасөз қызметі.
