Денсаулық сақтау басқармасының баспасөз хатшысы Мөлдір Бекееваның денсаулығына қатысты ақпаратпен бөлісті. Дәрігерлер жансақтау бөлімінде жатқан науқастың жағдайы тұрақты ауыр екенін айтқан.
«06.03.2022ж. түнгі сағат 01:30-да Т.Орынбаев атындағы гипербариялық оксигенация орталығына жедел жәрдем қызметімен 1991 жылғы пациент ауыр жағдайда жеткізілген. Пациентті дәрігерлер шұғыл түрде тексеріп, жансақтау бөліміне жатқызды. Түскен кездегі жағдайы ауыр, команың І-дәрежесі. Қазір науқас реанимацияда ем қабылдауда. Жағдайы тұрақты ауыр. Алдын-ала болжам бойынша пациент суицид жасау мақсатында көп мөлшерде дәрілік препараттар ішкен болуы мүмкін» — деді департаменттің баспасөз хатшысы Лаура Нақыпқызы.
Бұған дейін қалалық Полиция департаментінің Ішкі және сыртқы коммуникациялар басқармасының басшысы қызметінен кетуге арыз жазғанымен қоса, өз-өзіне қол салуға барғанын жазғанбыз. Мөлдір Бекеева өзінің фейсбуктегі парақшасында бұл қадамға итермеледі деген себептерді жазып қалдырған еді.
