384
Қазір Шыңғырлау мен Қаратөбе аудандарында жағдай қиын. 37 үй мен 2 әлеуметтік нысан су астында қалып, 30 бас ұсақ мал қырылды. Су басқан үйлерден 87 адам, (52-сі бала) эвакуацияланған. Мектеп оқушыларының бір бөлігі көрші ауылда, қалғаны қаладағы туыстарының үйінде оқиды. Арнайы құрылған комиссия келген шығынды есептейді. Сол бойынша өтемақы төленеді. Иесіз қалған үй-жайлар тоналмас үшін күзет қызметін полиция өз мойнына алған.
Сонымен қатар БҚО аумағымен өтетін Самара-Шымкент тас жолын су шайып, аудандық маңыздағы 4 жол су астында қалды. Қазір су құрсауындағы үш ауданда 175 адам жол бойындағы суды бұру, сорғызуға кіріскен.
