453
Атырау облыстық Құрылыс басқармасы басшысының тағы бір бұрынғы орынбасары ұсталды. Мерей Жантөреев бір жыл бұрын тіпті басқарма басшысының міндетін де атқарған. Бірақ былтыр маусым айында өз еркімен жұмыстан кетіпті.
Бұған дейін аймақта Нұрқуат НУДИН ұсталған болатын. Қазір олардың үстінен әлеуметтік нысандар құрылысына бөлінген бюджет қаражатын жымқыру фактісі бойынша сот алды тергеу жүріп жатыр. Қылмыстық іске қатысы бар деген күдікпен мердігер мекеме басшысы да тергелуде. Олар отбасылық дәрігерлік амбулатория мен дене шынықтыру-сауықтыру кешеніне бөлінген ірі мөлшердегі қаражатты жымқырған деп айыпталып отыр.
