«Қаңтар оқиғасы» кезінде Шымкенттегі ірі сауда үйінен шоколад ұрлаған төрт жігітке бүгін сот үкімі шықты. Қаратау аудандық сотының судьясы 3 жылға бас бостандығын шектеу туралы шешім шығарды. Сондай-ақ, олар 100 сағат аула сыпыратын болады.
Сотта анықталғанындай, олар 6-қаңтар күні ұрлық жасаған. Полиция ұсталғандардың ұрлығын видео айғақ арқылы әшкерелеп берген. Үш тәуліктен соң жігіттер жалдап тұрған пәтерден қолды болған тауарлардың бір бөлігі алынды. Анықталғанындай, 21 жастағы жігіттер дүкеннен дәретхана қағазы, киви мен шоколадтарды ұстап шыққан. Жалпы 202 мың теңгенің тауарын алып кеткен. Полиция келген сәтте бірәз бөлігін жеп үлгерген екен.
Момбек ӘМІРБЕКОВ, ҚАРАТАУ АУДАНДЫҚ СОТЫНЫҢ СУДЬЯСЫ:
«Далаға шықсақ уже адамдар келе жатыр дейді. Қолдарында пакеттері бар дейді. Метрода бәрі тонап жатыр дегесін олар да барып, осы қылмысты жасаған. Сұраймыз ғой «Не, үйлеріңде продукты жоқ па? Неге бұлай алдыңдар десек, жастықпен істеп қойдық,- дейді»
