Қалада түсқайта басталған жауын түнге қарай тіпті күшейген. Нөсер жауыннан жертөлелер мен кәріз жүйелері де суға толып кетіпті. Тұрғындар тіпті сасық иістен тыныс алу мүмкін болмай қалғанын айтады.
Тұран шағын ауданындағы «Адия» тұрғын үй кешені 97915 үй тұрғынымыз деп тілшілерге хабарласқандар бұл үйлердің құрылысына күмәнмен қарайтындарын жеткізді.
Бір үйдің өзінде 160 отбасы тұрамыз деп шырылдаған халық мұндағы пәтерлерді несиеге алғандар екен. Айтуларынша, бұл маңда жауын суы ағып кететін мүмкіндіктер жоқ көрінеді. Жаңбыр жаңған сайын үйіміз судың ортасында қалады деген жұрт несие мерзімі біткенше үйіміз де құлап бітпесе болар еді деген үрейлерін де жасырмады.
Айта кетейік, Шымкенттегі көпшілік «көк үйлер» деп атап кеткен әкімдік ғимараты маңындағы тұрғын үйлердегі көрініс те осы шамалас. Көпқабатты үй ішінде су сарылдап ағып жатыр.
