Тұрғындар «Береке» ықшам ауданындағы мектептің маңы нашақорлардың мекеніне айналды,- дейді. Енді олар балаларын сабаққа жіберген сайын уайымнан көз ашпайтын болғанын айтады. Қазір жастар арасында кең таралған «трамадол», «тропикамед» препараттарын емін-еркін сатуға шектеу қойылмаса, жағдай ушыққанның үстіне ушыға түсетініне сенімді. Ықшам аудан тұрғыны Арман Әжіғалиев полицияға барып, мәселені қозғаған. Бірақ ондағылар есірткі орнына қолданатын бұл перараттарды заңсыз сататындарға айыппұл салудан басқа шара жоқ,- деп жауап беріпті. Өйткені бұл екеуі есірткі заттарының тізіміне енбейді екен. Тұрғындардың арызынан соң тәртіп сақшылары ықшамауданды бақылауға алған. Нәтижесінде 48 жастағы әйелден 600 дана осындай препаратты тәркілепті.
Полиция департаментіндегілер жастар арасында есірткі орнына қолданылатын бұл қос препаратты заңсыз сататындар әйелдер,- деп отыр. Жыл басынан бергі тек 2 айда 8 әйел адамнан 10мыңнан астам дәрі тәркіленген. Барлығы әкімшілік жауапкершілікке тартылып, айыппұлмен құтылған.
