18 қарашада Қазақстанда сайлау алдындағы үгіт кезеңі аяқталды. Президенттікке үміткерлерге дауыс беру қарсаңында тыныштық күнін сақтаудың маңыздылығы туралы еске салынды, деп хабарлайды Elitar.kz Kazpravda.kz-ке сілтеме жасай отырып.
«Қазақстан Республикасындағы сайлау туралы» Конституциялық заңның 32-бабына сәйкес, сайлау болатын күнi және оның қарсаңындағы күнi кез келген үгiтке тыйым салынады.
Интернет желісінде бұрын орналастырылған үгіт материалдарын бұрынғы орындарында қалдыруға болады. Бұрын орналастырылған материалдарды интернет-ресурстардың басты беттеріне шығаруға жол берілмейді.
19 қараша күні сағат 00.00-ден 20 қараша сағат 00.00-ге дейін «тыныштық күні» жарияланды.
Дауыс беру еліміздегі сайлау учаскелерінің негізгі бөлігінде 2022 жылғы 20 қарашада жергілікті уақыт бойынша 07-00-ден 20-00-ге дейін жалғасады.
Бұл ретте Орталық сайлау комиссиясы осы заңнамалық норманы бұзғаны үшін жауапкершілік қарастырылғанын еске салды.
