Қаржылық мониторинг агенттігі Алматы қаласы бойынша департаменті 436 млн теңге қаражатты ұрлау фактісі бойынша «AlanParking» ЖШС директоры М.Базарбаевқа және «Алматы спецтехпаркинг сервис» ЖШС директоры М. Пірінбековке қатысты қылмыстық істі тергеуді аяқтады. Бұл туралы агенттіктің баспасөз қызметі хабарлады. Сотқа дейінгі тергеп-тексеру барысында келтірілген шығын толық көлемде өтелді. Қылмыстық іс сотқа жіберілді.
Қылмыстың негізгі ұйымдастырушысы Мұрат Боранбаевқа халықаралық іздеу жарияланды.
“Қаржылық мониторинг агенттігінің Алматы қаласы бойынша департаменті қалалық прокуратурамен бірлесіп, Алматы қаласы әкімдігінің коммуналдық меншігіне «Алматы Спецтехпаркинг Сервис» ЖШС-нің 70% үлесін және «AlanParking» ЖШС-нің 100% үлесін қайтару бойынша шаралар қабылдады” делінген ведомство мәліметінде.
