436
Полицейлер мен Ұлттық қауіпсіздік комитетінің қызметкерлері Алматы облысының орталығы Қонаев қаласындағы орман жолағынан қару-жарақ сақталған орынды анықтады. Ведомство мәліметінше, Қытай сөмкесінің ішінен 12 мм винчестердің 2 данасы, 223 Rem «BENELLI» маркалы мылтық карабині, 16 мм екі ұңғылы кесілген аңшылық мылтық және бір ұңғылы кесілген мылтық табылды. Сонымен қатар, газ тапаншасы, «Ф-1» маркалы екі жауынгерлік граната, 440 дана 7,62 мм калибрлі және 18 дана 12 калибрлі патрондары бар темір қорап, сондай-ақ оқ өтпейтін жилет тәркіленді.
Бұл факті Қылмыстық кодекстің 287-бабының 3-бөлігі бойынша тіркелді. Қажетті сараптамалық тексерулер тағайындалды және тергеу жүргізілуде.
