347
Жамбыл облысында 15 жасар жасөспірім әкесінің Honda маркалы көлігін айдап кеткен. Үлкендердің рұқсатынсыз рөлге отырған бала көлік тізгіндеген сәтін видеоға түсіріп, оны әлеуметтік желіде жариялаған. Оқиға демалыс күні болған. Бейнежазбадан жасөспірімнің көлікпен жүйткіп кетіп бара жатқанын көруге болады.
Көп ұзамай полицейлер жасөспірімді анықтады. Баланың ата-анасы Әкімшілік құқықбұзушылық туралы кодекстің 612-бабы 5-бөлігімен әкімшілік жауапкершілікке тартылды.
