306
Алматы қаласында орналасқан түнгі клубтардың бірінде белгілі блогер есірткімен ұсталды. Оқиға өткен демалыс күні Медеу ауданында болған. Блогер “Есірткі бизнесімен күрес” жобасы аясындағы іс-шара кезінде құрықталған.
Polisia.kz жазуынша, 19 жастағы блогер түнгі сағат 2-де ұсталған. Оның шалбарының оң қалтасынан көк изолентаға оралған, синтетикалық зат салынған үш бума табылды.
«Жұмыс нұсқаларының біріне сәйкес, бұл мефедрон психоактивті заты. Шөптің нақты тиесілігін анықтау үшін сот-химиялық сараптама тағайындалды. Ұсталған азамат уақытша ұстау изоляторына қамалды. Сотқа дейінгі тергеу ҚР ҚК-нің 297-бабы 1-бөлігі бойынша жүргізіліп жатыр», – деді Алматы қалалық ПД есірткі қылмысына қарсы күрес басқармасының бастығы Ерлан Әлмағамбетов.
