Шымкенттік полицейлер қала аумағында жол апатын азайту, жол қозғалысын бақылау және қадағалау мақсатында «Автобус» жедел алдын алу іс-шарасын өткізуде. Үш күнде жол ережесін бұзған 500-ден аса жүргізуші анықталды.
Шара аясында тәртіп сақшылары қоғамдық көліктердегі жолаушылардың қауіпсіздігін қамтамасыз ету, жол-көлік оқиғаларын болдырмау мақсатында автобус жүргізушілерінің жол қозғалысы ережелерін бұзу жайттарын алдын алу бойынша жұмыстарды күшейтті. Осылайша мегаполисте қоғамдық көлік жүргізушілері жасалған 568 әкімшілік құқық бұзушылық анықталған. Атап айтқанда, 164 жүргізуші (ҚР ӘҚБтК-нің 591-бабы) көлік тізгіндеген сәтте ұялы телефонды пайдаланса, 105-і (ҚР ӘҚБтК-нің 595-бабы) маневр жасау қағидаларын бұзған. 50 автобустың техникалық байқаудан өтпегені анықталған (ҚР ӘҚБтК-нің 590-бабы 9-бөлігі). Ал 36 жүргізуші міндетті сақтандыру қағидасын бұзған (ҚР ӘҚБтК-нің 230-бабының 2-бөлігі).
16 жүргізушінің тиісті рұқсатсыз қайта жабдықталған көлік құралын басқарғаны (ҚР ӘҚБтК-нің 590-бабы 7-бөлігі), тағы 16-сының жолаушыларды, багажды және заттарды тасымалдау ережесін бұзғаны (ҚР ӘҚБтК-нің 571-бабы) белгілі болды.
6 автобустың рейс алдындағы техникалық және медициналық қарап тексеруден өтпегені (ҚР ӘҚБтК-нің 590-бабы 8-бөлігі), 4-еуінің көлік құралдарын пайдалануға тыйым салынғаны (айыптұраққа қою), тағы 4 жағдай бойынша автобус парктерінің лауазымды тұлғаларының әкімшілік жауапкершілікке тартылғаны анықталған.
