Түркістан облысының тұрғыны ауылдасының көлігін өртеп жіберген. Жәбірленушінің айтуынша, ауылдасы күндізгі уақытта үйінің алдында тұрған ВАЗ автокөлігін заңсыз айдап кетіп, артынан өртеп жіберген. Оқиға Сарыағаш ауданында болған. Келтірілген шығын көлемі – 1,5 млн теңге.
Polisia.kz жазуынша, аталған жайт ҚР ҚК-нің 200-бабы (Автомобильді немесе өзге де көлік құралын жымқыру мақсатынсыз құқықтыққа сыйымсыз иеленіп алу) бойынша тіркелді. Полицейлер жедел-іздестіру іс-шараларын жүргізіп, нәтижесінде жергілікті тұрғын анықталды. Белгілі болғандай, күдікке ілінген ер адам жәбірленушімен бұрын араздасып қалғаны есіне түсіп, мас халде оның автокөлігін ұрлап әкеткен. Кейін өртеп жіберген. Қазіргі таңда сотқа дейінгі тергеп-тексеру амалдары жүргізіліп жатыр.
