Түркістанда ер кісі бұрын-соңды танымайтын әйел адамымен ішімдік ішіп, бар ақшасынан айырылды.
Жәбірленуші қалалық полиция басқармасына арызданып, жеке есепшотынан ақша ұрланғанын айтқан. Яғни, таныс емес әйел оның телефонындағы банктің мобильді қосымшасы арқылы 500 мың теңгесін жымқырған.
Аталған факті ҚР ҚК-нің 188-бабы «Ұрлық» бойынша тіркелді. Жан-жақты тексеру барысында тәулік ішінде күдіктінің жеке басы анықталды. Ол жұмыссыз жергілікті тұрғын болып шықты.
Полиция хабарлауынша, күдікті әйел жәбірленушімен бірге ішімдік ішкен. Ақша аудару барысында оның құпия санын көріп алған. Содан кейін жәбірленушіден бір танысына хабарласып алу үшін ұялы телефонын сұрап, ақшасы өзіне аударып алған. Қазіргі уақытта аталған жайттарға байланысты сотқа дейінгі тергеу амалдары жүргізіліп жатыр.
