417
Түркістан облысы Жетісай ауданының тұрғыны экс-күйеуінің ақшасын жымқырған. Ер адамның айтуынша, жатын бөлмесіндегі шкаф ішінде тұрған 100 мың теңге ақшасын белгісіз біреу ұрлап кеткен.
Тәртіп сақшылары аталған фактіні ҚР ҚК-нің 188-бабы «Ұрлық» бойынша тіркеуге алды.
Жедел-іздестіру іс-шаралары барысында күдікті анықталды. Ол жәбірленушінің бұрынғы әйелі болып шықты.
Тергеу барысында белгілі болғандай, күдікті әйел жолдасының үйіне қонуға кеткен қызын алып кетпек болып, кешкілік үйіне барған. Сол уақытта оның ұйықтап жатқан сәтін пайдаланып, шкафта тұрған ақшаны алып кеткен.
Қазіргі таңда әйелге қатысты сотқа дейінгі тергеу амалдары жүргізілуде.
