Шымкентте май шығаратын зауыттың жем сақтайтын ғимаратында өрт шықты. Оқиға бүгін, 31 шілдеде Қапал батыр тас жолындағы 5-ші шақырымда таңғы уақытта болған.
Өрт туралы хабар Шымкент қаласы ТЖ департаментінің «101» диспетчерлік пультіне сағат 10.17-де келіп түскен.
«Корпорация Алтын май» ЖШС-іне қарасты жалпы аумағы 900 шаршы метрді құрайтын жем сақтайтын ғимараттың көлемі 270 шаршы метрлік шатыры және 20 тонаа пісте май қалдығы жанып кеткен.
Қызыл жалын 11.27-де оқшауланып, сағат 12.19-да толығымен сөндірілді. Оны сөндіруге Өрт сөндіру қызметініңі 60 қызметкері мен 13 техникасы, Апаттар медицинасы орталығы филиалының 1 бригадасы жұмылдырылды. Зардап шеккендер мен қайтыс болғандар жоқ. Өрттің шығу себебі анықталуда.
Осы ретте қалалық Төтенше жағдайлар департаменті қала аумағында 31 шілде мен 2 тамыз аралығында төтенше өрт қаупі сақталатындығын ескертеді.
