424
Отандық танымал әнші Димаш Құдайберген қазақтың ұлы ақыны Абай Құнанбайұлының туған күніне орай челлендж бастады.
Бұл туралы ол Instagram парақшасында жазып, бейнеүндеу жолдады.
«Қазақтың ұлы ақынының туған күніне орай челлендж бастап, оны жанкүйерлеріме жолдаймын. Сізге бар болғаны Абай атамыздың кез келген шығармасын жаттап, оның видеосын #AbayChellenge хештегімен жариялау ғана қажет. Сіздер белсенділік танытады деген сенімдемін» деп жазды әнші.
Сонымен қатар бейнеүндеуде Димаш Құдайберген Хакім Абайдың «Ғылым таппай мақтанба» өлеңін жатқа оқыды.
