Шымкентте жауған жаңбыр суы тұрғындарды әбігерге салды. Төтеншеліктердің хабарлауынша, қазіргі таңда қолайсыздықтар қалпына келтірілді.
ТЖД мәліметінше, қала аумағында 27-28 тамызда ведомствоның жеке құрамы жалпы 8 мекенжай бойынша су шығару жұмыстарын атқарды. Нәтижесінде 367 текше метр су шығарылды. Бұл бағыттағы жұмыстарға 12 техника, 11 мотопомпа және 37 адам жеке құрам жұмылдырылды.
«Абай ауданы бойынша жалпы 5 мекенжайда 310 текше метр, Әл-Фараби ауданы бойынша жалпы 1 мекенжайда 2 текше метр, Еңбекші ауданы бойынша жалпы 1 мекенжайда 10 м3, Қаратау ауданы бойынша жалпы 1 мекенжайда 25 м3 және Тұран ауданы бойынша жалпы 2 мекенжайда 20 текше метр су шығарылды» деп хабарлады ТЖД.
Шымкент қалылық ТЖД жеке құрамы толық дайындыққа келтіріліп, күшейтілген режимде жұмыс атқарған. Алдағы уақытта ауа райының өзгеруіне байланысты болуы мүмкін төтенше жағдайлардың салдарын жою мақсатында Шымкент қаласы Төтенше жағдайлар департаментінің жеке құрамы мен техникасы дайындыққа келтірілген.
