326
Жетісай ауданы Жылысу ауылдық округінде тұратын зейнеткер ерекше кәсіпті дөңгелетіп отыр.
Қария Қозыбай Ашеков пластикалық бөтелкеден мақта теретін комбайндарға аса қажетті шпиндельді щетка мен қалыңдығы 1 мм-лік жіп дайындайды.
Кәсіпкердің айтуынша, әрбір щетканы 2 мың теңгеге саудалайды. Жылына орта есеппен 5 мың щетка сатып, 10 млн теңге табыс табады екен. Бұған дейін мұндай щетканы көршілес Өзбекстан елінен тапсырыспен алып келген комбайн жүргізушілері ауыл азаматының қолынан шыққан өнімнің сапасының жоғары, бағасының арзан екендігін айтады.
Кәсіпкер алдағы уақытта өнім түрі мен көлемін ұлғайтуды жоспарлап отыр.
