373
Шымкентте ағаш есік жасайтын цехта өрт шықты. Оқиға кеше, 28 қыркүйекте болған.
«101» диспетчерлік басқару пультіне сағат 17:49-да Сасбұқаев көшесінде орналасқан цехта орын алған өрт туралы хабарлама келіп түскен. Ғимараттың 200 шаршы метрді алып жатқан шатыры жанып кеткен.
Қалалық ТЖД мәліметінше, қызыл жалын сағат 18.51-де толығымен сөндірілді. Оны сөндіруге 17- техника, 51-қызметкер жұмылдырылды. Зардап шеккендер мен қайтыс болғандар жоқ. Қазіргі таңда өрттің шығу себебі анықталуда.
