275
Павлодар облысы ТЖД-ның мәліметі бойынша, Баянауыл ауданының Сәтбаев ауылында үй өртеніп, 1 бала қайтыс болды.
Дағдарыс орталығына хабарлама түнгі сағат 02:58-де түскен. Оқиға орнына лезде жеткен мамандар, үйдің шатыры, ондағы заттар мен жиһаз жанып жатқанын анықтаған. Алдын ала болжам бойынша өрттің ауданы – 180 шаршы метр.
Өрт сөндіру бөлімі келгенге дейін учаскелік полицей мен көрші 2013 жылы туған баланы және ер адамды (үй иесінің ағасы) құтқарып үлгерген. Облыстық ТЖД мәліметінше, үйде 6 адам болған. 3 адам (әйелі мен күйеуі, әже) өз күшімен жанып жатқан үйден шыққан.
Өрт сөндіруші үйден 2015 жылғы баланы алып шықты. Өкінішке қарай ол ауруханаға бара жатқан жолда көз жұмды.
