Қоғамдық қауіпсіздікті қамтамасыз ету мақсатында ІІМ «толық қамту» принципімен бейнебақылау жобасын іске асыруда.
1 млн 318 мың бейнекамераның 274 мыңы полицияның жедел басқару орталықтары мен кезекші бөлімдеріне қосылған.
Жыл басынан бері осы бейнебақылау камераларының көмегімен заңсыздықтар анықталған. Мәселен, 96 мыңға жуық әкімшілік құқық бұзушылық тіркелді. 1,5 мың қылмыс ашылды. Ал, жол жүрісі қағидаларын бұзудың 870 мың дерегі анықталды.
Сонымен қатар, Мемлекет басшысының тапсырмасы бойынша ІІМ еліміздің пенитенциарлық мекемелерінде үздіксіз бейнебақылау жүйесін енгізді.
Бүгінгі таңда 78 мекемеде 40 мыңға жуық бейнекамера орнатылған. Онда адам бетін тану, тыйым салынған аймаққа кіргенде және камера объективін жапқанда сигнал беретін аналитикалық функциялар қарастырылған.
