БАӘ мен Оманда толассыз жауған жауыннан 20 адам қайтыс болды. Парсы шығанағы елдеріне дауылды нөсер жаңбыр құйды. Салдарынан көшелерді су басып, көлік қатынасы тоқтап қалды деп хабарлайды sarbazkz. Тіпті, Дубай халықаралық әуежайының жұмысыда тоқтады.
«Біріккен Араб Әмірліктерінде бұрын-соңды болмаған ауа райына байланысты Дубайдың халықаралық әуежайында (DXB) рейстер кешіктіріліп немесе тоқтатылып отыр. Dubai Airports өз авиакомпаниясынан рейстің ұшып кететіні туралы растау алмаса, жолаушыларға 1-терминалға бармауды ұсынады», – делінген әуежайдың басқарушы компаниясының хабарламасында.
Әлеуметтік желі пайдаланушылары Біріккен Араб Әмірліктерінің билігі соңғы 10 жыл бойы жүргізіп келе жатқан жасанды жаңбыр шақыру амалының салдарынан осындай апатқа тап болдық деген болжамдарын айтуда.
Алайда сарапшылардың пікірінше, жасанды жаңбыр шақыру тәсілінің әсері шамалы ғана болған, ал өңірде қатты жауын болатыны алдын ала болжанған.
