ҚР ТЖМ «Сейсмологиялык зерттеу институты» ЖШС сейсмикалық станциялар желісімен 2024 жылғы 20 мамырда Алматы уақытымен 10 сағат 10 минут кеткенде 2 балл жер сілкінісі тіркелді.
Жер сілкінісінің эпицентрі Қытай аумағында (Алматы қаласынан оңтүстікке қарай 380 км жерде) орналасқан.
Зардап шеккендер мен қираулар туралы мәлімет түскен жоқ.
Естеріңізде болса, Премьер-министрдің баспасөз қызметі Алматыда 1 маусымға дейін Mass Alert жер сілкінісі туралы хабарлау жүйесін пилоттық режимде енгізу жоспарланып отырғанын мәлімдеген болатын.
Үкімет басшысының орынбасары Қанат Бозымбаев халықаралық, соның ішінде жапондық тәжірибені ескере отырып, жер сілкінісі қаупі бар аймақтардағы нысандарды жобалау стандарттарын қатайту бойынша жұмыстарды жүргізуді, аккредиттелген зертханаларды пайдалана отырып, құрылыс нормаларының сақталуына қадағалауды күшейтуді тапсырған еді.
